الماتى قالاسى جاستار ساياساتى باسقارماسىنىڭ قولداۋىمەن وتكەن «جاسىل ەل» ەڭبەك جاساعى جۇمىس ماۋسىمىن قورىتىندىلاندى, دەپ حابارلايدى Egemen.kz.
بيىل جوباعا 2 مىڭنان استام جاس قاتىسقان. ولار ءۇش اي بويى قالانى كوگالداندىرۋ, اعاش وتىرعىزۋ, كوشە مەن ساياباقتى اباتتاندىرۋ جانە تازارتۋ جۇمىسىمەن اينالىستى. ماۋسىم قورىتىندىسى بويىنشا الماتىنىڭ قالالىق شتابى رەسپۋبليكا بويىنشا ەڭ ۇزدىكتەر قاتارىنان تابىلدى.
«بۇل جاي عانا جازعى جۇمىس ەمەس, مىڭداعان الماتىلىق جاستىڭ ەڭبەكتىڭ قادىرىن تۇسىنۋىنە, وتانعا قىزمەت ەتۋ رۋحىن سەزىنۋىنە ىقپال ەتكەن ماڭىزدى باستاما. بيىل ءبىز الماتى قالاسىنداعى جوعارى وقۋ ورىندارى مەن كوللەدجدەردىڭ 2 100 ستۋدەنتىن ماۋسىمدىق جۇمىسپەن قامتىدىق. جاسىل بەلسەندىلەر كۇن سايىن تاڭعى مەزگىلدەن باستاپ ەڭبەك ەتىپ, قالامىزدىڭ دامۋىنا ۇلەس قوستى. بۇعان دالەل – الماتى قالاسىنىڭ «جاسىل ەل» شتابىنىڭ رەسپۋبليكا بويىنشا ۇزدىك دەپ تانىلۋى. وسىنداي ءونىمدى ەڭبەك جاستارعا جاۋاپكەرشىلىك, ءتارتىپ جانە كوماندالىق جۇمىستىڭ قۇندىلىقتارىن دارىتادى», – دەدى الماتى قالاسى جاستار ساياساتى باسقارماسىنىڭ باسشىسى ازيز قاجدەنبەك.
ۇيىمداستىرۋشىلاردىڭ پىكىرىنشە, مۇنداي باستامالار تابيعاتتى جاقسارتۋعا عانا ەمەس, جاس ۇرپاقتىڭ ەكولوگيالىق مادەنيەتىن ارتتىرۋعا ىقپال ەتەدى. ماۋسىمنىڭ جابىلۋىندا ۇزدىك شىققان 20 جاسقا ەستەلىك سىيلىقتار تابىس ەتىلدى.
الماتى